Moxiganga – Termos Escénicos

Termos Escénicos

Dicionario Enciclopédico

Moxiganga

Categoría:

Xénero breve que ten as súas raíces na festa e no carnaval Barroco e que se caracteriza pola súa brevidade, o carácter burlesco, festivo e o disfrace. Evolucionou desde unha estética de deformación completa do ideario ofrecido pola comedia a un elemento integral da chamada festa barroca, pois instalábase entre as xornadas da comedia para formar, segundo García Berrio e Huerta Calvo, “un todo homoxéneo e totalizador”.

Catalina Buezo realiza unha clasificacións deste xénero dramático tan popular, abundante e diverso:

  • Moxigangas parateatrais sen argumento.
  • Moxigangas parateatrais con argumento.
  • Moxigangas dramáticas para o Entroido.
  • Moxigangas dramáticas para a Coresma.
  • Moxigangas dramáticas para o Corpus.
  • Moxigangas dramáticas para Nadal.
  • Moxigangas dramáticas para festas rexas.

Non debe confundirse con boxiganga ou bojiganga.

Relacionado con